In Cuba City - Wisconsin

Hello everyone

 Jap ig verzeue jize mau so chly vor Schueu. Die macht mi aubes rächt kaputt. Ish rächt astrengend im moment no überauz konzentriere ufs englisch, dass dä ou ja zmingst öpis chlieses versteisch. Aber d ir Schueu ishes schüsch rächt easy. Du schnurrsch eifach mau mit dä Lehrer während der Schueu oder im einte Fach chasch so Puzzles mache oder de chasch mit dä andere Schüeler schnurre, we dä mit dire Arbeit fertig bisch u die andere ou.  Am Morge startet d Schueu am 8ti u geit bis am Nami am 3:24,5 (fraget näch nid ab dä ½ das ish rächt komish ou für mi… si würde nid eifach ufrude oder so xD tja) U när hani no öpe ca. 25-30min Lunch (chas nid genau sägä wie lang) Aus ersts steish mau ä rundi a, när muesch Fingerprinte (auso Fingerabdruck gä xD u när nimsch es komishs Tablar mit Facher drine u när bechunsch z Esse. Ish meh oder weniger guet aber haut eifach vorauem Fast Food. Git zwar ou chly Frücht us dr Dose wo ig meistens bis immer nimme. (Aber du chasch zue Luege. Die meiste Schüeler loufe dört eifach verbi..xD) U we dä gässe hesch, rumsch ab und geisch so ine vorhaue oder was ou immer u när schnurrsch dört immer chly. Das isch immer so lustig. Ig bi meh oder weniger immer chly im Lunch mit dr Ustuschschülere vo Dütschland zämä (MIR REDE ENGLISCH ZÄMÄ!!) U när chöme äs paar Boys u schnurre würk dür grösst scheiss. Hüt ish eine cho u het vor Kea d Ufschrift ufem T-Shirt in Dütsch gläse u mir si eifach verreckt vor lache, dass het so lustig tönt. U när het är gfragt, was Friends in Dütsch heisst u när het är das die ganz Zit so komish gseit, mir hei ächt nüme chöne. Ish eifach immer lustig. Du chasch ou irgendwo nume stah u du wirsch eifach fash immer agsproche oder de sägä si „Hey Mihaela“ (si sägä ä ´h´ u nid ´ch´ aber ish ja nid so schlimm. xD
Hie mau mi Stundeplan (u das da ig jede Tag genau glich)
1 Hour                  Environmental Science
2 Hour                  Study Hall (Ufgabe mache)
3 Hour                  Food for Life
4th Hour               Art
1st Lunch              z’ Mittagesse
5th Hour               Spanish 1 (für Anfänger)
6th Hour               PE or Study Hall (jede MO, WE and every other FR hani PE, dass ish so “Sport” u die andere Täg ha ig Study Hall)
7th Hour               English 11 (reading and listening)
8th Hour               Chorus (Singe u mit hei ou Uftritte)
Jap das ish mi Stundeplan u dä wiederhout säch jede Tag.

Im PE wo ig Sport in Klammere ha naja für mi ishes im moment nid sehr Sport. Mir tüe meh rede u Golf spiele. U Ig u Golf das passt eifach nid zämä. Aber ja nach dem mache mir de öpis für Kondition u da gits we ig mi nid tüsche ou Tests u när chunnt de so Volleyball, Basketball, Tanze u no viu meh… Weiss jize grad nid aues.
Jede Morge nach dr erste Stund oder besser gseit, churz bevor die ersti Lektion düre ish, chunnt düre Lutsprächer aui wichtige Infos für dä Tag u när müesse mir ufstah, zur USA Fahne luege u när so öpis sägä.. aber ke Ahnig was… xD U när müesse mir wes Lütet zu üsem Locker (da hei mir aui üsi Schueusache dine u när zum nächste Zimmer u das aues innerhaub vo 3,5min. Wär z spät chunnt darf zur Office ga u när tja.. Aber mir längts eigetlech immer guet. Zum Glück. :D

Ja was gits no z’sägä zur Schueu?! Ussert dasses u lustig ish. U jize grad hei mir Homecoming u das ish eifach z’viu. Da hesch jede Tag spezieui Kleider ane. Hüt ish Super hero gsi u das si rächt viu mit hammer Kostüm cho vo Superman, Superwoman, Supercat u weiss nid was aues. Gestr ish Twinday gsi u da hei ou fash aui ä Zwilling gha auso dass heisst, si hei die gliche Kleider ahne gha oder was ou immer. Aber ig schriebe de speter no über das. U Fotos chöme de o uno. Muess jize mau aber no ä rundi Ufgabe mache. Bis gli wieder!!


 Liebi Grüess Michaela

17.9.08 01:06

bisher 0 Kommentar(e)     TrackBack-URL

Name:
Email:
Website:
E-Mail bei weiteren Kommentaren
Informationen speichern (Cookie)


 Smileys einfügen