In Cuba City - Wisconsin

Letschte Days in New York

Jooa... Ig fahre mau doert witer mit schriebe wohni ha ufghoert... Das isch Donnstig gsi... Ja auso am Donnstig hani am 7ni oepe muesse ufstah. Denn nach daem ig ha z'Morge gaesse gha, bini mit aune andere wo o i daem Camp si gsi i so ne riese Mall ga Ikoufe. Dis isch eifach so z' gross gsi. U wases doert so fuer Shops het gha... Das het jize eifach fasch jede Lade gha. Dr besti Shop isch aber eifach dr Billabong gsi.. hahah xDD Ig bi i daere Mall mit daene 5 andere Schwizer gsi u mir heis so lustig gha... hihih Am 1 PM. hei mir ues aui zaeme muesse traeffe u ner hei mir choenne entscheide, ob mir a strand wei, id univertitaet zruegg odr no i daem shoppingcenter bliebe. Ig ha mi entscheide fuer d Mall u d 3 andere Schwizer u dr Chris isch ner ga bade am Beach. Nach dem mir denn abr naer e stund odr so si gsi, hei mir ner nueme moege u hei ues die ganzi zit meh odr weniger Sofas gsuecht, wo mir hei choenne hocke. xDD Am 4 PM. hei mir ner wieder aui muesse am Traeffpunkt si u si ner si mir mit de "School Buse" zruggzur Uni gfahre. Abr leider hets denn grad afa raegne u das ish nid so schoen gsi. Wo mir doert si gsi bir Uni si mir grad ga aesse, wueu mir no raecht viu hei muesse mache aui zaeme a daem abe u ja ner wo mir hei woeue zu uesne Zimmer ga, het das eifach so strub gschiffet. So hei mir uesi badtuechli uebere kopf gno u si los gsprunge, abr das het aues nuet gnuetzt, wueu nach 1re Minute bisch eifach vo obe bis unge nass gsi... U Gluftet het das so grusig. da hesch fasch nid choene renne... Wo mir nach "langer" Zit si gsi, wo uesi Zimmer si gsi, hei mir eifach nueme choenne vor lache u si so platsch nass gsi u es isch so astraengend gsi so z'renne mit daem Luft u da nasse Kleider... Naja... xD Nach dem mir ues trochnet hei u schopackt hei, isch ner soes Meeting gsi, wo mir hei erfahre, wenn mir am fritig muesseufstah.. U das isch nid so toll gsi, da ig am 5i ufem bus ha muesse si u das het gheisse am 4i oepe ufstah... Ja... Nach dem Meeting abr hei mirs ner huere lustig gha mir Schwizer. Mir hei es Gemsch gspiut u hei so chly spunne... xDD Mir heis eifach nume no lustig gha... Kurz gseit isch ner e geile abe gsi!! Am 11PM bi ig ner oepe is Bett gange u somit am morge am 4i ufgstande. Ig has aber gaege mini Zimmernachbarin no raecht guet gha, wueu si het am 3 muesse ufstah.

17.8.08 00:48, kommentieren

Mini first days in New York

Heiii zämä

Wie söu ig da nur afa verzeue..?? Äs git so viu z'viu zum schriebe... Am Monday bini mit drüü andere zämä mit America Airline uf New York gfloge. Ish huere läng gsi u rächt längwilig. Am haubi 2 nach NY zit u haubi8ti Schwizerzit si mir mit ganz wenig verspätig glandet. När hei mir üs dört dörfe ine vougstopfte bös stopfe. Sogar d koffere hei mir müesse i bös näh wüus ke plartz meh het gha. Mir si i däm Camp meh aus 150. A däm abe hei mir när no bis am 11 müesse uf blibe wüu denn ersh die letschte si acho u ja somit bi ig när meh aus 24h uf dä bei gsi... x( Am nächste tag si mir när uf Manhatten gange das ish so geil gsi. Eifach vou begeisteret!! Wo mir mitem "school bus" si acho ir stadt, si mir aus ershst grad i Central Park gange u när si mir ou no grad ga shoppe ar 5te Avenue.. Soo z'viu!! Nachdem mit dört si gsi si mir när no ufs grösste Hochhuus vo NY (Top of the Pop). Da gsehsh über ganz NY soo z'geil gsi!! U vo dört us si mir när no ad Times square gsi. Dört hani grad mi neu Lieblingslande kennegelrt xDDD. Am abe hei mir när freetime gha.

Hüt hei mir ä rächti wanderig gmacht dür New York. Mir si zur Freiheitsstatue bzw. mir si mitem Schiff näbe düre gfahre. Si a däm Ort gsi, wo d Twin Towers gstande si u ir chinatown si mir ou no gsi. Nur bis am schluss ha ig nüme gross möge, wüu ig rächt kopfweh ha gha u mini bei hei weh ta. D Zitvershiebig merk ig haut immr no sehr... Naja. Wird de sho besser!! Hoff ig ömu... xD 

Ja easy... Ig mäude mi äs anders mau wieder äuä de we ig sho bir Gastfamily bi....

Liebi Grüüüess us New York

1 Kommentar 14.8.08 03:03, kommentieren

My Hostfamily

Auso zu mire Gastfamily...

... mini Gastmuetter Sue (46)

... mini Gastschwost Ashley (17)

... mi Gastbrother Taylor (15)

... mini Gastschwost Alexis (24, wohnt abr nüme dahei)

... e Hund Snickers

Mini Hostfamily läbt in Cuba City, das ish in Wisconsin (Dubuque).

 

 

2 Kommentare 9.8.08 00:37, kommentieren